Шууд Chart

Хөгжлийн бэрхшээлтэй хүүхдэд боловсрол эзэмшүүлэхийн тулд бүх боломжийг нээж, орчныг бүрдүүлнэ

2023-11-30 14:22:54

Ялгаатай хэрэгцээтэй суралцагчдад боловсрол эзэмшихэд тулгарч буй асуудал, бэрхшээл, шийдвэрлэх арга замыг тодорхойлох, боловсролын болон дэмжих үйлчилгээ үзүүлэх чиг үүрэг бүхий цэцэрлэг, ерөнхий боловсролын сургуулийн сайн туршлагыг түгээн дэлгэрүүлэх зорилготой чуулган болж байна.

Монгол Улсад 2022-2023 оны хичээлийн жилийн статистикийн мэдээгээр ерөнхий боловсролын тусгай /хуучин нэршлээр/ 6 сургуульд 1,696 сурагч 577 багш ажилтан, тусгай 2 цэцэрлэгт 265 хүүхэд, 139 багш ажилтан ажиллаж байна. Харин Ерөнхий боловсролын 859 сургуульд 5673 хөгжлийн бэрхшээлтэй сурагч, 1,413 цэцэрлэгт 1498 хүүхэд боловсролын үйлчилгээнд хамрагдаж байна.

Цэцэрлэг, ерөнхий боловсролын сургууль нь хүүхдийн онцлог, ялгаатай хэрэгцээнээс үл шалтгаалан хүүхдэд боловсрол эзэмших нөхцөлийг бүрдүүлэх үүрэг хүлээсэн. Суралцагчид хөгжлийн цогц дэмжлэг үзүүлэх, ялгаатай хэрэгцээг хангах түгээмэл загвар, сургалтын тохирох хэрэглэгдэхүүн бүхий орчныг тохижуулах, ганцаарчилсан сургалтын төлөвлөгөө боловсруулах, сургалт зохион байгуулах зэрэг тэгш хамруулах боловсролын чиглэлээр хэрэгжүүлэх олон үйл ажиллагаа хууль эрх зүйн шинэ орчны хүрээнд бүрдсэн.

Цэцэрлэг, ерөнхий боловсролын сургууль дэмжих үйлчилгээ үзүүлэх чиг үүрэг нь холбогдох хууль, тогтоомжийн хүрээнд тусгай цэцэрлэг, сургуулиудад ногдож байгаа тул энэхүү зөвлөгөөнийг зохион байгуулж байгаа юм.

Эх сурвалж: БШУЯ


Хөгжлийн бэрхшээлтэй хүүхдэд боловсрол эзэмшүүлэхийн тулд бүх боломжийг нээж, орчныг бүрдүүлнэ  
Үзсэн: 510 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Hamt saihan surna [127.0.0.xxx] 2023-11-30 18:46
Ter huuhdiig adilhan hun eosoor ni handval

Бидэнтэй нэгдээрэй