Шууд Chart

Цагаан жагсаалтад E-Mongolia ашиглан шууд бүртгүүлэх боломжтой боллоо

2023-12-01 11:25:22

Зам, тээврийн хөгжлийн яамнаас 2023 оныг “Бүрэн цахимжсан, бүтээмжийг дээшлүүлж, хариуцлага-үр дүнг тооцох жил” болгон зарласан.

Энэ зорилтын хүрээнд зам тээврийн салбарын 94 төрлийн үйлчилгээг цахимжуулж, иргэд, олон нийтэд төрийн үйлчилгээг “Түгжрэлгүй” түргэн шуурхай хүргэх боломжийг бүрдүүлсээр байна.

Тухайлбал, Олон улс, улсын чанартай болон тусгай зориулалтын авто зам, замын байгууламж ашигласны төлбөрөөс чөлөөлөгдөх хүсэлт гаргах үйлчилгээ шинээр нэмэгдлээ.

Авто машин эзэмшигч та E-Mongolia апп ашиглан цагаан жагсаалтад хүсэлт гаргаснаар авто машинаа бүртгүүлэх боломжтой боллоо.

Тус үйлчилгээ нь хурдан, шуурхай, хялбар нөхцөлийг иргэн танд бүрдүүлж өгч байгаагаараа онцлог юм.

Хамрах хүрээ: СХД-ийн 32-р хороо, ХУД-ийн 14-р хороо болон Налайх дүүргийн иргэд, ААН-үүд авах боломжтой.

Эх сурвалж: Зам тээврийн хөгжлийн төв ТӨҮГ


Цагаан жагсаалтад E-Mongolia ашиглан шууд бүртгүүлэх боломжтой боллоо  
Үзсэн: 661 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй