Өнөөдөр буюу 2023 оны арванхоёрдугаар сарын 05-ны Мягмар гарагт өрнөх зарим үйл явдлын хураангуйг хүргэж байна.

Монголбанк

09:00 цагт: Харилцагч нарт зөвлөх банкны мэргэжилтний батламж гардуулна. Арга хэмжээнд Монголбанк болон Монголын Банкны холбооны удирдлага, ХБНГУ-ын ЭСЯ-ны төлөөлөл, Германы “Шпаркассэ” банкны суурин төлөөлөгч нар оролцоно. Утас: 99146424.

Улсын их дэлгүүр

09:30 цагт: Улсын их дэлгүүрийн 7 давхарт Олон улсын сайн дурынхны өдрийг тохиолдуулан “Сайн дурынхны хүч” форум  зохион байгуулагдана. Утас: 80609070

Эрүүл мэндийн яам

12:00 цагт: Эрүүл мэндийн сайд С.Чинзориг Монгол Улсад элэгний хорт хавдрын эмчилгээг нэвтрүүлэх чиглэлээр дэлхийд тэргүүлэгч Швейцарийн “Рош” компанитай хамтран ажиллах Санамж бичигт гарын үсэг зурна. Энэ үеэр ЭМЯ, ХСҮТ-өөс хорт хавдрын өвчлөлтэй холбоотой мэдээллийг  өгнө. Утас: 91915340, 96121060, 89119482.

“Блью Скай” зочид буудал

15:00 цагт: Монгол, Киргизийн аялал жуулчлалын компаниудын "Рөүд шоу" үйл ажиллагаа болно. Уулзалтад Киргиз улсын Аялал жуулчлалыг хөгжүүлэх сангийн дэд ерөнхийлөгч, Аялал жуулчлалын газрын дарга болон Монгол Улсад суугаа Элчин сайд оролцоно. Утас: 94044104, 88038882.

Новотел Зочид буудал

15:30 цагт: “Жендэрийн мэдрэмжтэй эрх зүйн шинэчлэлийн манлайлагчид” хүндэтгэл үзүүлэх арга хэмжээ болно. Утас: 91399149.