Шууд Chart

Архинд донтоно гэдэг олдмол эмгэг учраас ямар ч хүн архинаас гарч чадна

2024-02-28 09:26:02

Анагаах ухааны их сургуульд сурч байхад сэтгэцийн тэнхмийн багш маань “Сэтгэл гэдэг бол нэг эрхтэн. Тэр дундаа гэмтдэг эрхтэн. Эгэл жирийн хүн тэр өвчнийг анагаахгүй. Тухайн өвчтөнөө мэдэрч ойлгосон хүн л эдгээдэг. Гэхдээ энэ ажлыг зоригтой, сэтгэлтэй л хүн хийнэ. Сонирхолтой ч ажил шүү” гэж хэлж байсан юм. Тэр үг миний ой тойнд үлдчихсэн хэрэг.

Дадлагаар ажиллаж байхдаа багшийнхаа хэлж байсан үгийн учрыг ойлгосон. Элэг, бөөр, зүрх өвдсөн бол оношлоод, эмчилгээ хийнэ, үр дүнг нь харж, мэдэх боломжтой. Хажуунаас нь хүн харсан ч өвдсөн гэдэг нь мэдэгдэнэ.

Гэтэл сэтгэц хямарсан хүнийг хэн ч мэддэггүй хэрнээ бүх өвчний суурь шахуу болдог. Амьдралын чанарт асар их нөлөөлдөг. Үүнийг олж хараад сэтгэцийн эмч болохоор шийдсэн.

Тухайн үед боловсон хүчний нөөцгүй байсан үе. Ингээд сэтгэцийн эмч мэргэжлээрээ 12 жил, 2018 оноос донтолт судлаачаар дөрвөн жил ажиллаж байна.

Ямар ч хүн донтоход сэтгэл зүйн гэмтэл суурь нь болдог. Ялангуяа бага насандаа авсан сэтгэл зүйн гэмтэл хүчтэй нөлөөлдөг.

Хурууны өндгөнд өргөс орчихлоо гэхэд өргөсийг нь авахгүйгээр эм уугаад, боолт хийж, яаж ч цэвэрлээд нэмэргүй шүү дээ. Үүнтэй л ижилхэн, гэмтсэн сэтгэл зүйг эмчлэхгүй л бол донтолт үүсэхэд онцгой нөлөөлдөг.

Архи согтууруулах ундаа аливаа нэг зүйлд донтоод байгаа хүмүүст сэтгэл заслын эмчилгээ хамгийн чухал байдаг юм шүү. Иймээс л мэргэжлийн байгууллагад хандаарай гэж зөвлөдөг.

Манай эмнэлэгт “Энэ архинаас гарахгүй дээ” гэж яригддаг зөндөө хүмүүс ирж архины хамаарлаас гарч байлаа.

Архинд донтоно гэдэг олдмол эмгэг учраас ямар ч хүн архинаас гарч чадна. Гэхдээ хайр, итгэлийн хүчээр л энэ асуудлаас салах бүрэн боломжтой.

Манайд архинаас гарсан хүмүүсийн цуглаан болдог юм. Тэр үеэр нэг үйлчлүүлэгч маань “Архи гэдэг дөрвөн үсэгтэй үгэнд хайр гэдэг үг багтдаг. Өөр ямар ч үг бүтэхгүй. Тэгэхээр архи байгаа амьдралд хайр байхгүй л гэсэн үг. Өөрийгөө хайрлаагүй хүн өрөөл бусдыг хайрлахгүй шүү дээ” гэж билээ.

Манай 4С буюу "Сайн санаа, сайхан сэтгэл" хөтөлбөрт маань хамрагдсан хүмүүс бараг 80 хувь нь архины хамаарлаас гарч чадсан байдаг юм.

“Сайн санаа, сайхан сэтгэл” хөтөлбөр нь эмийн эмчилгээг сэтгэл заслын миннесота загвар, танин мэдэхүйн сэтгэл засал, хандлагаар анагаахуйн аргуудыг хослуулан иог, бясалгал, сэтгэц нийгмийн сэргээн засах хөтөлбөрүүдийг нэгтгэсэн эмчилгээний цоо шинэ арга хэлбэр болж байгаа юм.

Энэхүү загвар эмчилгээнд дан ганц архины хамааралтай үйлчлүүлэгч төдийгүй тэдний гэр бүлийн гишүүд ч мөн адил хамрагдсанаар эмчилгээний үр дүнд сайнаар нөлөөлдөг.

Аддиктологийн төвийн эмчилгээний тасгийн эрхлэгч АУ-ны магистр Д.Оюунчимэг


Архинд донтоно гэдэг олдмол эмгэг учраас ямар ч хүн архинаас гарч чадна  
Үзсэн: 3009 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Ua [127.0.0.xxx] 2024-03-01 19:34
Yaj holbogdoh we
Хаана ямар сургалт явагддаг вэ,утас чанар өгнө үү [127.0.0.xxx] 2024-03-01 11:42
Хаана ямар сургалт явагддаг вэ,чатаар хариулт өгнө үү УТАС
Зочин [127.0.0.xxx] 2024-02-28 22:04
зүгээр л зуршил. зуршилаасаа салж чаддаггүй. мөөмнөөс соскоос гарч чадахгүй хөхөөд л. архи лонхоо хөхөх
Зочин [127.0.0.xxx] 2024-02-28 09:46
Сэтгэцийн гэмтэл бол монголоор ад тиирэн наалдсан гэсэн үг.Түүнийг eвроп боловсрол эзэмшсэн сэтгэл зүйч зөвлөлгөө өгөөд эм уулгаад эдгээхгүй.сэтгэц гэмллийн уг үндэс эцэг эх удмын хийсэн үйлийн үртэй холбоотой
Зочин [127.0.0.xxx] 2024-02-28 22:02
энэтхэг ринбүүчий ч нэмэргүй
xaxa [127.0.0.xxx] 2024-02-28 15:30
haha chamrhuu iim uvchtei bisdanuud hunees mungu salgaj arts huj uuguulj esul ongod tenger gj mungu saadag suragrtai uhsen atsaa naalddag gd bgn buur neg 13 zuund baij bgad irsen ymshig devshdeggui deeshldgui tani metiin ulsuud mongold har mynga ym bolgni muhar susegeer harna

Бидэнтэй нэгдээрэй