Төв аймгийн Заамар сумын нутаг дэвсгэрт уурхайн цооногт 3 настай хүүхэд унасан тухай дуудлага тавдугаар сарын 27-ны өдрийн 13:40 цагт Онцгой байдлын байгууллагад ирсэн.

Дуудлагын дагуу ослын голомтод аврах ажиллагааг зохион байгуулж, тухайн цооногийн дэргэд 45 метр өргөн, 70 метр урт, 32 метр гүнтэй нүхийг гурван дамжлагатай налуу ам гарган шатлан ухжээ.

Улмаар хөндлөн малталтын ажлыг тавдугаар сарын 28-ны өдрийн 22:00 цагт эхлүүлж, өнөөдөр буюу 2026 оны тавдугаар сарын 30-ны 00:23 цагт буцалтгүй нэрвэгдэгчийг гарган, холбогдох байгууллагад хүлээлгэн өгсөн байна.

Ослын голомтод Уул уурхайн аврах 09 дүгээр анги болон Төв аймгийн Онцгой байдлын газрын алба хаагчид ээлжлэн ажиллаж, 80 см өргөн, 11.8 метр урт хөндлөн малталт хийжээ.

Аврах ажиллагааг нэрвэгдэгч цооногт унаснаас хойш 59 цаг 46 минут, ажиллагаа эхэлснээс хойш 55 цаг 19 минутын хугацаанд зохион байгуулсан байна.

Нийт 16 байгууллагын 102 хүн, 30 автомашин, хүнд даацын 8 автомашин, 1 ковш, 2 экскаватор, 1 кран, 1 шатахуун тээвэрлэгч, гар ажиллагааны 29 нэр төрлийн 138 багаж хэрэгсэлтэйгээр ажиллажээ гэж Онцгой байдлын Ерөнхий газраас мэдээллээ.