Монголын хөрөнгийн биржийн өнөөдрийн үнэт цаасны арилжаагаар 22 хувьцаат компанийн нийт 5.246 ширхэг хувьцаа арилжигдаж 13.171.472.20 төгрөгийн гүйлгээ хийгдлээ.  

 

Энэ өдөр “А” самбарт 20 компанийн 3.196 ширхэг хувьцаа арилжигдсан ба нийт 12.945.972.20 төгрөгийн, “Б” самбарт хоёр компанийн нийт 2.050 ширхэг хувьцаа арилжигдсан ба нийт 225.500.00 төгрөгийн гүйлгээ хийгдсэн байна. ТОП-20 индекс 15.513.93 нэгж буюу 0.40 хувиар буурсан үзүүлэлттэй байв.

 

Мөн “Санхүүгийн зохицуулах хорооны эрх зүйн байдлын тухай хууль"-ийн 6.1.1, 6.2.2, “Үнэт цаасны зах зээлийн тухай хууль”-ийн 34.1.1 дэх заалт, Сүхбаатар дүүрэг, Завхан аймгийн шүүхийн холбогдох шийдвэрүүдийг үндэслэн Санхүүгийн зохицуулах хорооны  2014 оны аравдугаар сарын 21-ний өдрийн 375 дугаар тогтоолоор  “Разноимпекс” ХК, “Монел” ХК, “Цасту”ХК, “Чимбай” ХК, “Туул баян” ХК, “Модлог” ХК-ийн үнэт цаасыг үнэт цаасны бүртгэлээс хасах тухай шийдвэр гаргасан байна.