Санхүүгийн зохицуулах хорооны ээлжит хурал саяхан болж, хөрөнгийн бирж дээр арилжаалах жижиглэнгийн үнэт цаасыг бүртгэж авахын зэрэгцээ, ипотекийн гуравдугаар ээлжийн үнэт цаас гаргах "МИК-Актив-3" компанид тусгай зөвшөөрөл олгож, үнэт цаасыг нь бүртгэж авчээ. Мөн “Голомт” банкинд  даатгалын зуучлагчийн үйл ажиллагаа эрхлэх тусгай зөвшөөрөл олгосон зэрэг шийдвэрүүд гаргасан байна. Тухайлбал.

Даатгалын зохицуулалтын  хүрээнд:
-“Голомт банк” ХХК-д даатгалын зуучлагчийн үйл ажиллагаа эрхлэх тусгай зөвшөөрөл олгов.
-“Пийс оф лайф” ХХК-ийн даатгалын зуучлагчийн үйл ажиллагаа эрхлэх тусгай зөвшөөрлийг түдгэлзүүлэв.
-“Давхар даатгагчийн төлбөрийн чадварын шалгуур үзүүлэлт, түүнд хяналт тавих журам” батлав.
-“Мандал женерал даатгал” ХХК-ийн хувь нийлүүлэгчдийн бүрэлдэхүүнд өөрчлөлт оруулахыг зөвшөөрөв.
Бичил санхүүгийн зохицуулалтын хүрээнд:
-“Микрокредит” ХХК, “Праймфин инвест” ХХК, “Майкрокредит инвестмент” ХХК, “Грийтмонгол финанс” ХХК, “Мэргэн финанс” ХХК, “Шаттле” ХХК-иудад банк бус санхүүгийн үйл ажиллагаа эрхлэх тусгай зөвшөөрөл олгов.
-“Жи са са ББСБ” ХХК-д банк бус санхүүгийн зээлийн үйл ажиллагаа эрхлэх тусгай зөвшөөрөл нэмж олгов.
-“Баяндүүрэн хайрхан” ХЗХ-нд хадгаламж, зээлийн үйл ажиллагаа эрхлэх тусгай зөвшөөрөл болон төсөл хөтөлбөрийг дамжуулан хэрэгжүүлэх үйлчилгээ эрхлэх зөвшөөрөл олгов.
-“Эхлэл их наяд” ХЗХ-нд салбар нээн ажиллуулах болон төсөл хөтөлбөрийг дамжуулан хэрэгжүүлэх үйлчилгээ эрхлэх зөвшөөрөл олгов.
-“ННТС” ХЗХ-нд хадгаламж, зээлийн үйл ажиллагаа эрхлэх тусгай зөвшөөрөл олгов.
- Хорооны 2012 оны 82 дугаар тогтоол болон 60, 206 дугаар тогтоолуудаар батлагдсан журмуудад нэмэлт, өөрчлөлт оруулав.
Үнэт цаасны зохицуулалтын хүрээнд:
- Маргаан таслах зөвлөлийн гишүүдийг томилов.
-“Үнэт цаасны зах зээлийн өөрийгөө зохицуулах байгууллага болон зохицуулалттай этгээдийн дүрэм, журмыг батламжлах, бүртгэх тухай заавар” батлав.
- Хөдөө аж ахуйн биржийн арилжаанд оролцоогүй хөдөө аж ахуйн брокерийн үйл ажиллагаа эрхлэх компаниудын талаар арга хэмжээ авав.
-“ЦАСТУ” ХК, “Чимбай” ХК, “Разноимпекс” ХК, “Туул баян” ХК, “Монел” ХК, “Модлог” ХК, “Улаанбаатар зочид буудал” ХК-иудын үнэт цаасыг бүртгэлээс хасав.
-“Ай трейд” ХХК, “АБЖЯ” ХХК, “Таван толгой хишиг” ХХК, “Бумбат шигтгээ” ХХК, “Очир капитал” ХХК, “Капитал маркет корпораци” ХХК-иудын үнэт цаасны зах зээлд брокер, дилерийн үйл ажиллагаа эрхлэх тусгай зөвшөөрлийг түдгэлзүүлэв.
-“Санлавмэд” ХХК-ийн үнэт цаасны зах зээлд хөрөнгө оруулалтын зөвлөхийн үйл ажиллагаа эрхлэх тусгай зөвшөөрлийг түдгэлзүүлэв.
-“Мөнх-Огторгуй” ХХК-ийн үнэт цаасны зах зээлд брокер, дилерийн үйл ажиллагаа эрхлэх тусгай зөвшөөрлийг хүчингүй болгов.
-“МИК Актив Гурав” ХХК-д тусгай зөвшөөрөл олгов.
-“МИК Актив Гурав” ХХК-ийн гаргаж буй хөрөнгөөр баталгаажсан үнэт цаасыг бүртгэв.
-“МИК Актив Гурав” ХХК-д төлөөлөн удирдах зөвлөлийн хараат бус гишүүдээ томилохыг зөвшөөрөв.
-“Худалдаа хөгжлийн банк” ХХК-д үнэт цаасны зах зээлд кастодианы үйл ажиллагаа эрхлэх тусгай зөвшөөрөл олгов.
- Монгол Улсын Засгийн газрын гаргах үнэт цаасыг бүртгэв.
-“Зэргэд ҮЦК” ХХК-ийн үнэт цаасны зах зээлд зохицуулалттай үйл ажиллагаа эрхлэх тусгай зөвшөөрлийг түдгэлзүүлэх шаардлагагүй гэж үзэв.