Улсын хэмжээнд зургаан аймгийн 14 суманд хуш мод ургадаг. Найман суманд самрыг үйлдвэрлэлийн зориулалтаар түүх зөвшөөрөл олгодог. Тэгвэл энэ жилийн байдлаар иргэд самар түүж, түүнийгээ борлуулан ойролцоогоор 3 орчим тэрбум төгрөгийг олж, амьжиргаагаа дээшлүүлж чаджээ. Тиймээс цаашид самрыг экспортод гаргаж, эдийн засгийн эргэлтэд оруулах бодлогыг түлхүү барина. Гэхдээ зөв зохистой түүх, хушан ойгоо хамгаалах асуудлыг орхигдуулахгүй гэж Байгаль орчин, ногоон хөгжил, аялал жуулчлалын сайд Н.Батцэрэг ярилаа.