Монгол Улс, ОХУ-тай дипломат харилцаа тогтоосны 95 жилийн ойн хүрээнд зохион байгуулагдаж буй “Монгол-Оросын залуу эрдэмтэн, судлаачдын II чуулга уулзалт”  өнөөдөр эхэлнэ.

Энэ сарын 10-ныг хүртэл үргэлжлэх тус чуулга уулзалтын Монгол, Оросын залуу эрдэмтэн, судлаачдын эрдэм шинжилгээний бага хурал болон урлаг, спортын бага наадмыг зохион байгуулахаар төлөвлөж байгаа ажээ.

Түүнчлэн эрдэм шинжилгээний хурал техник, технологи, байгалийн ухаан, геологи, газарзүй, нийгэм, хөдөө аж ахуй, биотехнологи, анагаах ухаан гэсэн үндсэн зургаан чиглэлийн салбар хуралдаануудаар үргэлжлэх юм.

Чуулга уулзалтад ОХУ-ын ШУА-ийн Сибирийн салбарын Эрхүү, Буриадын шинжлэх ухааны төв, Эрхүүгийн Их сургууль, Эрхүүгийн үндэсний техникийн их сургууль, Эрхүүгийн хөдөө аж ахуйн их сургууль зэрэг эрдэм шинжилгээ, судалгааны байгууллагуудын 70 гаруй төлөөлөгч оролцох бол Монголын талаас БСШУСЯ, ШУА, ШУТСан, МЗЭХ, ШУТИС, МУБИС, ХААИС болон бусад эрдэм шинжилгээний байгууллага, их, дээд сургуулиуд зэрэг нийт 25 байгууллагын 500 гаруй залуу судлаач оролцохоор болжээ.  

Дашрамд дурдахад, “Монгол-Оросын залуу эрдэмтэн, судлаачдын I чуулга уулзалт”  энэ оны тавдугаар сарын 16-21-ний өдрүүдэд ОХУ-ын Эрхүү хотноо зохион байгуулагдаж, манай улсаас 108 залуу судлаач Эрхүү хотноо айлчлан, эрдэм шинжилгээний хурал, урлаг, спортын тэмцээн уралдаанд амжилттай оролцсон билээ.

Салбар хуралдааны хуваарь: