Австралийн Мардоч их сургуулийн судалгааны баг нисдэг дроны тусламжаар халимуудын амьдрал, хөдөлгөөнийг ажиглаж судалгаа хийдэг. Энэ удаагийн судалгааны аянд бичлэгт буусан цагаан халимын тугалын дүрс тэднийг гайхшруулсан байна.

Халимын тухай сонирхолтой баримтуудаас дурдвал нас бие гүйцсэн дундаж халим нь ойролцоогоор 25-35 метр хүрч, 100-200 тонн жин татдаг ажээ. Хэрэв хөх халимыг том машинд ачна гэвэл зургаан тоннын даацтай “3ил-130” машин 20-25 ширхэг хэрэгтэй. Харин ердийн хөсөг болох тэмээнд ачъя гэвэл 300 кг даах атан тэмээ 400-500 хэрэгтэй болох юм. Бусад амьтадтай харьцуулаад үзвэл 40 заантай, эсвэл 300 кг жинтэй 60 шар үхэртэй, 75 кг жинтэй 2000 ирэг хоньтой тэнцэнэ гэсэн үг.

Түүний зүрх нь л гэхэд томоороо зургаан хүний аяны майхны хэмжээтэй, хоёр шар үхрийн дайны хүнд, 600-800 кг хүрэх юм. Хэл нь 2.7 тонн буюу хоёр зааны хэмжээтэй. Элэг нь 900-1000 кг. Цус нь 8000-9000 литр. Харин судас нь усны хоолой шиг өргөн. Түүний өргөн судсан дундуур хүн багтахаар аж.