Бид энэ удаад Японы Анимэ хүүхэлдэй Азидаа дээд амжилт тогтоосон тухай танилцуулж байна. Анимэ гэдэг нь анимейшн гэсэн үгийг япончилсон үг бөгөөд ямар  ч төрлийн хүүхэлдэйн киног зохиол, зураглал, хийсэн улсыг үл харгалзан Японд "Анимэ" гэж нэрлэдэг. Анимэгийн үзэгчдийн дийлэнх нь өсвөр үе, залуучууд байдаг утгаараа энэ нь тус улсад нилээн том бизнест ордог төдийгүй өдгөө энэ цар хүрээгээ тэлсээр Азийг ч байлдан дагуулсаар байна.

Японы найруулагч Макото Шинхайгийн бүтээсэн "Чиний нэр" хэмээх хүүхэлдэйн кино Япон, Хятад, Тайланд төдийгүй Ази тивд хамгийн өндөр орлоготой кино болж байна. "Чиний нэр" хэмээх кинонд ахлах сургуулийн 2 сурагчийн хайрын түүхийг өгүүлдэг юм. Уг хүүхэлдэйн кино анх 12 дугаар сарын 2-нд нээлтээ хийснээс хойш Хятадад гэхэд 76 сая, Тайландад 1 сая гаруй долларын ашиг орлого олсон аж. Энэ нь өмнө гарч байсан "Дораймон" хүүхэлдэйн киноноос олсон ашгаас хэд дахин давсан тоо юм. 

Үүнээс гадна Франц, Өмнөд Солонгос гээд нийт 92 улсад энэ хүүхэлдэйн кино, кино театруудын хамгийн эрэлт ихтэй кино болжээ. Нээлтээ хийгээд удаагүй ч ашиг орлого нь дээд амжилт тогтоогоод байгаа энэхүү кино Лос Анжелес хотын кино шүүмжлэгчдийн холбооноос энэ жилийн шилдэг хүүхэлдэйн киногоор шалгарсан аж.