Мэргэжлийн сүмогийн хаврын тэмцээн өндөрлөхөд таван өдрийн барилдаан үлдлээ. Осака хотноо болж буй Харү башё эхний өдрөөс л сонирхолтой эхэлсэн. Энэ байдал ч 10 дахь өдөр давтагдаж, олон бөхчүүд даваагаа ахиулсан бол тэргүүлэгчдийн эгнээнээс хасагдсан бөхчүүд ч гарлаа.

Өчигдрийн барилдаанд шинэхэн аварга Кисэносато Тамаваши Б.Мөнх-Оргилоор 10 дахь даваагаа авсан бол аварга Какүрюү М.Ананд Ёошиказэг барсангүй. Харин озэки Тэрүнофүжи Г.Ган-Эрдэнэ Шёодайгаар ес дэх даваагаа авснаар тэргүүлэгчдийн хоёрдугаар эгнээний байраа хадгалж үлдлээ.

Их аварга Хакүхо башёг орхиж, Харүмафүжи гурван унаатай болоод байсан бол Какүрюү ч мөн тэргүүлэгчдийн гуравдугаар эгнээнд бичигдлээ.  

2000 оноос хойш анх удаа аварга цол хүртсэн Япон бөх болох Кисэносато бусдын анхаарлын төвд байсаар байна. Одоо түүнийг хэн “зогсоох” вэ гэдэг асуулт л үлдлээ. Монголын гурван аваргын нэг нь башёг орхиж, хоёр нь гурван унаатай болсон энэ үед түүний хамгийн хүчтэй өрсөлдөгч озэки Тэрүнофүжи Г.Ган-Эрдэнэ болж байна. Гэхдээ сэкивакэ Такаясү энэ башёд мөн арван даваатай тэргүүлж буй. Үлдсэн өдрүүдийн барилдаан анхаарал татсан хэвээр ...

Дээд зиндааг тэргүүлэгчид:

• Ёкоүзүна Кисэносато 10-0
• Сэкивакэ Такаясү 10-0
• Озэки Тэрүнофүжи Г.Ган-Эрдэнэ 9-1

Монгол бөхчүүд:

• Ёкозүна Харүмафүжи Д.Бямбадорж 7-3
• Ёкозүна Какүрюү М.Ананд 7-3
• Озэки Тэрүнофүжи Г.Ган-Эрдэнэ 9-1
• Сэкивакэ Тамаваши Б.Мөнх-Оргил 5-5
• Маегашири-2 Таканойва А.Баасандорж 2-8
• Маегашири-4 Араваши Э.Дөлгөөн 3-7
• Маегашири-7 Чиёошома Г.Мөнхсайхан 7-3
• Маегашири-7 Ичиножёо А.Ичинноров 4-6
• Маегашири-14 Кёкүшюүхо Т.Эрдэнэбаатар 3-7