Шууд Chart

Монголын тамирчид “Токио-2020” олимпын нээлтийн ёслолд "Хийморь" загвараар гоёно

2021-07-23 19:29:06

Нээлтийн үйл ажиллагаанд Монголын тамирчид “Мишел & Амазонка” брендийн урласан ёслолын хувцсаар гоёно.

Монгол Улсын шигшээ багт зориулан бүтээсэн парад хувцасны эд ширхэг бүр утга учиртай аж. Тухайлбал, Энгэр дээрх алтлаг хээг Монгол үндэстний хийморь лундаа, цог жавхлан эрч хүчний илэрхийлэл болгож шавхагдашгүй хурд хүч, тэсвэр тэвчээрийн билэгдэл болсон давхиж буй морийг цан хүүрэг татуулсан байдалтайгаар дүрслэн үндэсний үүлэн хээ угалзны хэв маягаар абстракт дүрслэлээр бүтээсэн юм.

Үүлэн хээг утга агуулгаар нь дээрээс тэтгэх хурмаст тэнгэрийн хурын шимээр байгаль дэлхий сэргэн, хүн бүр зол жаргалтай аж төрөх зол жаргалын хээ гэж бэлгэддэг.

Нийтэлсэн: Т.Болор-Эрдэнэ

Монголын тамирчид “Токио-2020” олимпын нээлтийн ёслолд "Хийморь" загвараар гоёно  
Үзсэн: 1210 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй