Мөн Хөвсгөл аймгийн Мөрөн сумын долоодугаар багийн нутагт өчигдөр буюу долоодугаар сарын зургааны өдөр усархаг бороо орсны улмаас Хүүхэд, гэр бүлийн хөгжлийн хэлтсийн байрны суурийн давхар усанд автсан байсныг тус аймгийн Онцгой байдлын хэлтсийн албан хаагчид усыг соруулж зайлуулсан байна.

 

Түүнчлэн Төв аймгийн Аргалант сумын хоёрдугаар багийн нутаг “Хүй долоон худаг” гэдэг газар автозамын зорчих хэсэгт хоёр суудлын автомашин мөргөлдсөн дуудлагаар Нийслэлийн Онцгой байдлын газрын Аврах анги ажиллаж 11 иргэний амь насыг, Нийслэлийн Сонгинохайрхан дүүргийн 19 дүгээр хорооны 21 дүгээр хорооллын нутаг “Тролейбусны депо”-гийн баруун талд автозамын зорчих хэсэгт бага оврын автобус бага оврын ачааны автомашинтай мөргөлдсөн дуудлагаар мөн Нийслэлийн Онцгой байдлын газрын Аврах ангийн зургаан албан хаагч, хоёр автомашинтайгаар ажиллаж зам тээврийн ослоос 14 иргэний амь насыг, Нийслэлийн Налайх дүүргийн зургаадугаар хорооны нутаг “Мойлтын тохой” гэдэг газар “Туул” голын усанд нэг автомашин сууж, найман зорчигч автомашин дээрээ гарсан байсныг аюулгүй газарт шилжүүлэн автомашиныг татан гаргаж, найман иргэний амь насыг тус тус авран нийт 34 иргэний амь насыг авран хамгаалсан байна.