Шууд Chart

Багваахай цэцгийн чанамал хийх жор

2023-05-31 10:33:25

Багваахай цэцгийн чанамал хийх жорыг танилцуулж байна. 

  1. Багваахай цэцэг 300гр (ишгүй дан цэцгийн түүнэ)
  2. Нимбэг 3ш
  3. Жүрж 2ш
  4. Элсэн чихэр 500гр
  5. Нимбэг жүржний үрж авсан нунтаг.

Багваахай цэцгээ угаагаад 600 гр ус хийж 5 минут буцалгана.

Багваахайгаа буцалж байх явцад нимбэг 3 ширхэг, жүрж 2 ширхэгийг угааж цэвэрлээд хальсыг нь үрүүлээр үрж аяганд хийж аваад нимбэг, жүржээ шахаж жүүсийг нь авна.

Одоо шахаж авсан нимбэг, жүржнийхээ жүүс, үрж авсан хальсаа буцалж байгаа багваахай цэцгэн дээрээ хийгээд зөөлөн гал дээр 20 минут буцалгана.

Нимбэг жүржтэй буцалсан багваахай цэцгээ 24 цаг сэрүүн газар байлгана.

Маргааш нь багваахай цэцэгний жүүсээ шүүж авна.

Шүүж авсан багваахай цэцгэндээ 500 гр элсэн чихэр хийж 5 минут зөөлөн гал дээр хутгаж байгаад буцалгана.

Буцалж байгаа багваахай цэцгийн чанамалаасаа жоохон аваад тавган дээр хийж хөргөхөд өтгөн болж байвал чанамал бэлэн болсон гэсэн үг.

Багваахай цэцгийн чанамалаа шилэнд хийж тавиад сайн хөрөхөөр нь талхан дээр тавьж иднэ. Нимбэг, жүрж, багваахай цэцгийн чанамал өвөрмөц, сайхан амттай болдог байна. 


Багваахай цэцгийн чанамал хийх жор  
Үзсэн: 304 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй