2024 оны 02 дугаар сарын 26-ны 08 цагаас 2024 оны 03 дугаар сарын 04-ний 08 цаг хүртэлх 7 хоногийн цаг агаарын тойм

Цасны зузаан: Өнөө өглөөний цаг уурын станц, харуулын цасны зузааны мэдээгээр Баян-Өлгийн зүүн хойд, Ховдын хойд, Говь-Алтайн баруун өмнөд, Баянхонгор, Өвөрхангай, Дорноговийн өмнөд хэсгээр, Өмнөговийн ихэнх нутгаар цасгүй, бусад нутгаар 0.0-48.0 см зузаан цасан бүрхүүл тогтсон байна. Үүнээс хамгийн их нь Увсын Сагилд 48.0 см, Хяргасд 46.0 см, Түргэнд 45.0 см, Малчин, Баруунтуруунд 40.0 см, Улаангом, Давст, Зүүнговьд 34.0-37.0 см, Сүхбаатарын Түмэнцогтод 33.0 см, Төв аймгийн Борнуурд 30.0 см, бусад хэсгээр 0.0-29.0 см цасан бүрхүүл тогтсон байна.

Хур тунадас: 26-нд Баян-Өлгий, Өвөрхангайн хойд, Булган, Өмнөговь, Дорноговийн зарим газар, Сүхбаатар, Дорнодын ихэнх нутгаар 0.0-1.2 мм, 27-нд Ховдын хойд, Говь-Алтай, Хөвсгөл, Архангай, Өвөрхангай, Сэлэнгэ, Дарханы зарим газраар 0.0-0.8 мм, 28-нд Халх гол орчмоор 0.0 мм, 3-р сарын 01-нд Хөвсгөлийн Цагааннуурт 0.3 мм, 02-нд төвийн аймгуудиййн нутгийн зарим газраар 0.0-0.7 мм, 03-нд төвийн аймгуудиййн нутгийн зарим газраар 0.0-0.9 мм цас орж, явган шуурга шуурсан байна. Үүнээс 7 хоногийн нийлбэрээр хамгийн их нь Дорнодын Халхголд 1.8 мм, Сүхбаатарын Халзанд 1.2 мм, Нийслэлийн Хан-Уулд 1.1 мм цас орсон байна.

Агаарын хамгийн их температур: Хугацааны эхэн үеэр хүйтний эрч төв болон зүүн аймгуудын нутгаар 1-9 хэм хүйтэрч, бусад нутгаар 1-11 хэм дулаарч Увс нуур болон Дархадын хотгор, Тэс голын хөндийгөөр 20-26 хэм, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Орхон, Сэлэнгэ, Хараа, Ерөө, Туул, Тэрэлж, Хэрлэн голын хөндий, Дорнод-Дарьгангын тал нутгаар 12-18 хэм, Их нууруудын хотгор, говийн бүс нутгийн өмнөд хэсгээр 2-7 хэм, бусад нутгаар 8-13 хэм хүйтэн байв. Хугацааны сүүлчээр ихэнх нутгаар хүйтний эрч 1-14 хэмаар суларч Увс нуурын хотгор, Тэс голын хөндийгөөр 18-24 хэм, Дархадын хотгор, Хангайн уулархаг нутаг, Завхан голын эх, Хүрэнбэлчир орчим, Идэр, Байдраг, Ерөө, Туул, Тэрэлж, Хэрлэн, Халх голын хөндий, Дарьгангын тал нутгаар 12-17 хэм, Алтай, Хөвсгөл, Хэнтийн уулархаг нутаг, Орхон-Сэлэнгийн сав газар, Туул голын хөндий, Дорнодын тал нутгаар 6-11 хэм хүйтэн, Их нууруудын хотгор, Хангайн нурууны өвөр бэл, говийн бүс нутгийн өмнөд хэсгээр 0-7 хэм дулаан, бусад нутгаар 0-6 хэм хүйтэн байв.

Агаарын хамгийн бага температур: Хугацааны эхэн үеэр Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр 37-43 хэм, Хангай, Хөвсгөл, Хэнтийн уулархаг нутаг, Эг, Үүр, Орхон, Туул, Тэрэлж, Хэрлэн, Халх голын хөндий, Дорнод-Дарьгангын тал нутгаар 31-36 хэм, Их нууруудын хотгор, говийн бүс нутгийн өмнөд хэсгээр 16-22 хэм, бусад нутгаар 20-28 хэм хүйтэн байсан бол хугацааны сүүлчээр ихэнх нутгаар хүйтний эрч суларч Увс нуурын хотгор, Завхан голын эх, Хүрэнбэлчир орчим, Идэр, Тэс, Халх голын хөндийгөөр 31-36 хэм, Монгол-Алтай, Хангай, Хөвсгөл, Хэнтийн уулархаг нутаг, Эг-Үүр, Орхон, Туул, Тэрэлж, Хэрлэн, Онон, Улз голын хөндий, Дорнод-Дарьгангын тал нутгаар 25-30 хэм, говийн бүс нутгийн өмнөд хэсгээр 7-13 хэм, бусад нутгаар 16-23 хэм хүйтэн байв. 

Cалхи: Ихэнх нутгаар секундэд 5-10 метр, Говь-Алтайн нуруу, говь, тал, хээрийн нутгаар секундэд 12-18 метр хүрч ширүүссэн байна.

Улаанбаатар хот орчмоор:

Хур тунадас:  27, 28-нд 0.0-0.3 мм, 3-р сарын 03-нд 0.0-0.5 мм цас орсон.

Cалхи: Ихэнх хугацаанд секундэд 4-9 метр.

Агаарын температур: Хугацааны эхээр шөнөдөө Яармаг-Сонгины орчмоор 33-35 хэм, бусад хэсгээр 24-26 хэм, өдөртөө 14-16 хэм, хугацааны сүүлд хүйтний эрч суларч Яармаг-Сонгины орчмоор 25-29 хэм, бусад хэсгээр 18-23 хэм, өдөртөө 4-9 хэм хүйтэн байв.