Үндэсний телевиз
Цагийн хүрд
Найм арваннэг
Монгол Улсын Ерөнхийлөгч У.Хүрэлсүхийн ивээл дор “ABU РОБОКОН 2025 ULAANBAATAR” Олон улсын тэмцээн АСА АРЕНА цогцолборт хэсгийн тоглолтоор эхэлсэн. Хэсгийн тоглолтод Монголын хоёрдугаар баг, Непалын багтай тоглож 6:0 харьцаагаар хожилт байгууллаа.
Тэмцээнд Энэтхэг, Индонез, Япон, Малайз, Монгол, Непал, Шри Ланка, Тайланд, Вьетнам, Камбож, Египтет, Фижи улсын болон БНХАУ-ын засаг захиргааны онцгой бүс Хонгконгийн багууд оролцож байгаа. Энэ удаад Монгол Улсаас ШУТИС-ийн Мэдээлэл холбоо технологийн сургуулийн “Түвшин Электроникс”, “HICH TECH” багууд оролцож байна.
Тэмцээний шүүгчийн зөвлөлд Монгол, Япон, Вьетнам, Хонконгийн нийт 5 шүүгч байх бол талбайн шүүгчээр Монгол, Япон, Хонконгийн нийт 10 шүүгч ажиллаж байгаа аж.
Тэмцээний хэсгийн тогтолтын А бүсэд Вьетнам, Монгол, Хонгконгийн багууд, В бүсэд Камбож, Монгол, Непалын багууд, С хэсэгт Япон, Малайз, Шри-Ланка улсын багууд, D хэсэгт Индонез, Энэтхэг, Фижи улсын багууд, Е хэсэгт Тайланд, Египетийн багууд тус тус өрсөлдөнө.
| Монголын хоёрдугаар баг Непалын багтай тоглож, хожилт байгууллаа | ||
| Үзсэн: 177 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.