Үндэсний телевиз
Цагийн хүрд
Найм арваннэг
Монгол Улсын Ерөнхийлөгчийн захирамжаар Онц бөгөөд Бүрэн эрхт Элчин сайд Л.Хангайг ОХУ-тай эдийн засаг, дэд бүтэц, хөрөнгө оруулалтын асуудлаар ажиллах Монгол Улсын Ерөнхийлөгчийн бие төлөөлөгчөөр түр томилон ажиллуулахаар болжээ.
Л.Хангай нь 1956 онд Улаанбаатар хотод төрсөн. МУИС-ийг эрх зүйч, Москвагийн Нийгмийн ухааны академийг улс төр судлаач мэргэжлээр тус тус төгссөн. ХБНГУ, Швед, БНСУ, Австрали зэрэг оронд сургалтад хамрагдсан. Төрийн албаны тэргүүн түшмэл аж.
Тэрээр Шүүх яаманд 1979-1988 онд мэргэжилтнээс хэлтсийн дарга хүртэл дэвшин ажилласан. 1990-1992 онд Улсын Бага Хурлын Тамгын газрын орлогч дарга, 1992-1994 онд УИХ-ын Тамгын газрын Ерөнхий нарийн бичгийн даргын нэгдүгээр орлогч, 1994-2000 онд “Чингис хаан” зочид буудлын цогцолборын ерөнхий захирал, 2000-2005 онд Засгийн газрын Хэрэг эрхлэх газарт Тэргүүн дэд дарга, 2005-2009 онд Монгол Улсаас ОХУ-д суух Онц бөгөөд Бүрэн эрхт Элчин сайд, 2009 оноос өнөөг хүртэл “Оросын сан” ТББ-д ерөнхийлөгчөөр тус тус ажилласан хүн юм байна.
| Ерөнхийлөгчийн бие төлөөлөгчөөр Л.Хангайг түр томилжээ | ||
| Үзсэн: 1251 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.