Монгол Улсын Засгийн газар иргэдэд зориулсан дотоодын богино хугацаатай бонд гаргаад долоо хоногийн хугацаа өнгөрч байна. Нэг нь 100 мянган төгрөгийн үнэтэй энэ бондын 80 хувийг аж ахуйн нэгж, 20 хувийг иргэд худалдан авч 4.5 тэрбум төгрөг босгожээ. Иргэдэд зориулсан гэх богино хугацаатай тус бондыг гурван сар, нэг жил хүртэлх хугацаагаар гаргах юм байна. Манай улсын өр, дотоодын нийт бүтээгдэхүүний 50 хувьд ойртоод байгаа энэ үед иргэдэд зориулсан бонд гаргаж, дахиад л төсвийг хүндрүүлж байгааг зарим эдийн засагч шүүмжилдэг. Тэгвэл дотоодын бонд гаргасан нь өрийн дарамтад оруулах уу. Энэ талаар Сангийн яамны газрын дарга Б.Нямаагаас тодрууллаа.