Энэ оны 11 дүгээр сарын байдлаар манай улсын инфляци 11.5 хувьтай байна. Тодруулбал, хэрэглээний бараа, үйлчилгээний үнэ улсын хэмжээнд өмнөх сарынхаас 0.7 хувь, оны эхнээс 10.1 хувь, өмнөх оны мөн үеийнхээс 11.5 хувиар өссөн аж. Ерөнхий индекс 0.7 хувиар өсөхөд орон сууц, ус цахилгаан, түлшний бүлгийн үнэ өссөн нь голлон нөлөөлсөн гэдгийг Үндэсний статистикийн хорооны менежер Т.Гантөмөр ярилаа. Энэ талаарх дэлгэрэнгүйг сэтгүүлч Э.Энхчимэг мэдээлнэ.