Дархан-Уул аймгийн Хөдөлмөрийн хэлтэс, Хүүхэд, Гэр бүлийн хөгжлийн хэлтэс, Хүүхдийн хөдөлмөрийн тэвчишгүй хэлбэрийг устгах салбар хороо хамтран “Хүүхдийн хөдөлмөрт ҮГҮЙ гэж хэлье! -Чанартай боловсролд “ЗА” гэж хэлье!” сэдэвт өдөрлөг зохион байгууллаа.

Өдөрлөг нь бүх нийтийн чанартай боловсролыг хөдөлмөр эрхлэх хамгийн доод насны бүх хүүхдүүдэд эзэмшүүлэх, одоо хөдөлмөр эрхэлсээр байгаа хүүхдүүд, тэдний эцэг, эхэд мэдээлэл өгөх, хүүхдийн хөдөлмөрийн эсрэг үндэсний бодлогыг сурталчлах зорилготой юм.

Аймгийн ерөнхий боловсролын сургуулиуд, үйлдвэр, аж ахуйн нэгж байгууллагууд, иргэд олон нийтийн төлөөлөл оролцож, “Нийгмийн хамгааллыг өргөжүүлж, хүүхдийн хөдөлмөртэй тэмцье” уриан дор олон нийтэд хүүхдийн хөдөлмөрийн талаар гарсан хууль тогтоомжийг танилцууллаа. Энэ үеэр 650 гаруй иргэнд зөвлөгөө, мэдээлэл өгч, таван төрлийн 500 ширхэг гарын авлага материал тараалаа гэж аймгийн Хөдөлмөрийн хэлтсийн мэргэжилтэн Л.Гиймаа манай сурвалжлагчид ярьсан байна.