Суугаа ажил хийдэг хүмүүсийн хувьд түгээмэл тохиолддог өвчний нэг бол хуян шар ус хурах. Хуянтай хүн нас ахих тусам цусан хангамж муудсанаас мартамхай болж, хүний ярьсныг ойлгох чадвар мууддаг аж.

Хуян шар усны өвчин хөдөлгөөн дутагдсанаас болж үүсдэг. Шар усны өвчнийг Монгол анагаах ухаанд хоёр ангилдаг. Үүнд:

1. Хуйтэн шар усны өвчин
2. Цагаан судлын шар усны өвчин

Цагаан судлын шар өвчин нь мэдрэлийн гаралтай, хүйтэн шар усны өвчинд үе мөчний өвчин орно. Харин хуян гэдэг нь шар устайгаа хавсарсан өвчин юм.

Бүх өвчний хурмал цэг нь дал орчмоор төвлөрч байдаг. Учир нь хүний биеийн хэсгүүдээс хөдөлгөөнд оролцдоггүй нь. Тиймээс хөдөлгөөн дутагдсаны улмаас тэнд бүх муу цус хурж өвчлүүлдэг. Энэ өвчин хүндэрвэл хүзүү толгой хөшиж хөөрнө, доошоо гар хүндэрч өвдөнө. Үүнийг эмчлэхийн тулд Монгол анагаах ухаанд гурван үрийн тан гэж байдаг. Тэр тан нь цус ялгаж цэвэрлэдэг. 3-7 хоног уучихаад муу цусыг самнаж соруулдаг.

Хуян өвчнөөр сүүлийн үед бүх насныхан өвчлөх болсон. Хуянтай залуу хүн хөөрч явсаар байгаад нас ахих тусмаа бөөгнөрсөөд булдруу болчихдог аж. Түүнээс гадна хүзүү шохойжиж, нүдний хараа муудах, тархины цусан хангамж муудсанаас болж мартамхай болох, хэл ярианы чадвар муудах, хүний ярьсныг ойлгохгүй болох зэрэг хүндрэл гарч болно. Хуянтай хүний мөр барьж базсан тохиолдолд гараар дамжаад цахилгаанжих маягаар хүнд өөрчлөлт өгдөг. Үнэхээр хуянтай хүнийг барьсан бол дараа нь заавал хийн дасгал хийх ёстой. Манайхан гараа сэгсэрч, газар цохиод л боллоо гэж ойлгодог. Үнэндээ энэ ямар ч үр дүнгүй аж. Хүний биенээс байнга хорт хий ялгарч байдаг гэнэ. Түүнийгээ цаг тухайд нь гаргаад байвал өвдөх магадлал бага байна.