Элса, Анна эгч дүү гүнжид тохиолдсон адал явдлын тухай өгүүлэх “Walt Disney” кино компанийн "Frozen" хүүхэлдэйн кино 2013 онд дэлгэцнээ гарсан. Тус бүтээлийн хоёрдугаар анги энэ сарын 22-нд нээлтээ хийсэн билээ.

Түүнчлэн “Frozen-2” хүүхэлдэйн киноны богино хэмжээний трейлэр өнгөрсөн хоёрдугаар сард нийтэд цацагдсанаасаа хойш 24 цагийн дотор 116.4 сая хүн үзэж рекорд тогтоож байсан. Мөн тус киноны хоёр дахь трейлэр өнгөрсөн зургаадугаар сард нийтэд хүрч, “Youtube” платформын "Trending" хэсгийг тэргүүлсэн юм. Тэгвэл өнгөрсөн өдрүүдэд “Frozen-Ⅱ” 130.3 сая ам.доллар олсноор АНУ-ын бокс оффисыг тэргүүлсэн байна. Тус бүтээлийн араас 15.7 сая ам.долларын ашиг олсон “Ford v Ferrari”, 13.3 сая ам.доллар цуглуулсан “A Beautiful Day in the Neighborhood” бүтээл хоёр, гуравдугаарт байрт оржээ.