Өвөр Монголын “Top line” хамтлаг анх Монголын “Freezone” хамтлагийн “Зүүдний дагина” дууг шинэ хөгжмийн найруулгаар дуулж, Өвөр Монголын төдийгүй Монгол сонсогчдоос сайшаал хүртсэн. Түүнчлэн тэднийг анхны уран бүтээлээ цацсаны дараа Өвөр Монголын Шилийн гол аймгийн Монгол дунд сургуулийн дуу хөгжмийн хичээлийн хөтөлбөрт “Зүүдний дагина” дууг оруулсан юм. “Top line” хамтлаг эхний дууныхаа клипийг Монголд хийсэн бол дараагийн “Тэр бүх мэдрэмж” дууныхаа зураг авалтыг Өвөр Монголд хийсэн.

Сонирхуулахад, тус хамтлагийн гурав дахь бүтээл “Хязгааргүй” дууны хөгжмийг Г.Цэрэн, шүлгийг П.Нарангэрэл нар бичсэн бол дөрөв дэх бүтээл буюу “Зүрх татсан хайр” дууны үг, аяыг Б.Баярбилэг туурвисан аж. Харин “Нэг л хүнийх” дууг Г.Цэрэн бүтээж, А.Мөнгөнсүх продюсерээр ажиллажээ.