Шууд Chart

“Улаанбаатар ММС Энержи” баг “Sina Elite League Final”-д оролцоно

2019-12-18 12:47:12

Монгол Улсын мэргэжлийн “Улаанбаатар ММС Энержи” багийг энэ сарын 20-22-нд БНХАУ-д зохион байгуулагдах “Sina Elite League Final”-д оролцохыг урьжээ.

Ийнхүү тэд өмнөд хөршийг зорьсон байна.

Багийн бүрэлдэхүүнд ОУХМ Д.Дэлгэрням, Э.Цэрэнбаатар, Г.Цэнгүүнбаяр, А.Ананд нар дасгалжуулагч С.Тулгын хамт тус тэмцээнд оролцох юм.

Багийн довтлогч Э.Дөлгөөний хувьд энэхүү тэмцээнийг өнжинө. (Тэрбээр өнгөрсөн жил баруун гарынхаа дунд хуруунд хийлгэсэн төмрөө авахуулах хагалгаа нь БНСУ-д амжилттай болжээ).

Sina Elite League нь БНХАУ-ын 150 хотоор 30 мянган баг, 120 мянган тамирчныг хамарсан, олон сая үзэгчийг татсан лиг юм.

Лигийнхээ финалд дэлхийн шилдэг багуудыг урилгаар оролцуулдаг бөгөөд энэ жил FIBA-гийн мэргэжлийн 16 баг өрсөлдөхөөр очжээ. Тэдгээр багийн дунд Австрали, БНХАУ, Хонконг, Япон, Монгол, Нидерланд, Филиппин, ОХУ, Серби, Словен, БНСУ, Тайвань, АНУ-ын шилдэг багууд оролцоно.

Нийтэлсэн: У.Баярсайхан

“Улаанбаатар ММС Энержи” баг “Sina Elite League Final”-д оролцоно   
Үзсэн: 1566 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй