“Охин минь битгий уйл”, “Би эр хүнд хайртай”, “Үл таних эмэгтэй”, “Хайр” жүжгийн дуу зэрэг олон арван дууны шүлэг, “Би чамд хайртай-2”, “Нарны өнгө”, “Хамтран амьдрагч”, “Ми-15” зэрэг кино зохиол, “Хишигт”, “Хорин жилийн дараа”, “Муу залуу” зэрэг тууж, “Болор туужууд”, “Диваажингийн хоригдол”, “Нүцгэн шөнө”, “Зүрхэнд үйлдвэрлэв”, “Би бид хоёр” зэрэг номын зохиолч, Монголын зохиолчдын эвлэлийн болон Утга зохиолын оны шилдэг бүтээл шалгаруулах “Алтан-Өд” наадмын хошой тэргүүн шагналт, зохиолч Х.Болор-Эрдэнэ өдгөө гэр бүлийн хамт Франц улсад амьдарч, уран бүтээлээ туурвиж байгаа. Түүнчлэн түүний “Гүйж яваа эмэгтэй” бэсрэг роман өнгөрсөн жил хамгийн их борлуулагдсан монгол номын жагсаалтыг өнгөлсөн.

Тэгвэл зохиолч Х.Болор-Эрдэнэ энэ сарын 2-нд анх удаа “номын хурим”-аа цахим орчинд хийж, “Болор өгүүллэгүүд” номоо уншигчдын гарт хүргэж эхэллээ.