Шууд Chart

Ахлах ахлагч Э.Даваажамц 900 км зам туулж, Өвөрхангай аймагт ирлээ

2021-06-23 13:50:37

Хамгийн сүүлд ирсэн мэдээллээр тэрбээр өнөө өглөө 900 км зам туулж, Өвөрхангай аймгийн Нарийнтээл сумын нутаг дэвсгэрт ирсэн байна. Ахлах ахлагч Э.Даваажамц 22 хоногийн хугацаанд Ховд, Говь-Алтай, Баянхонгор аймгийн нутаг дэвсгэрийг хөндлөн туулсан бөгөөд түүнд орон нутгийн иргэд, Зэвсэгт хүчний алба хаагчид, тээвэрчид, зарим аж ахуйн нэгжүүд сэтгэлийн дэмжлэг үзүүлж, амжилт хүссээр байгаа юм. Тухайлбал, Монголын залуучуудын холбоо болон түүний орон нутаг дахь салбарууд, Ховд аймгийн ЗДТГ, Говь-Алтай аймгийн ЗДТГ-ын Цэргийн штаб, төрийн цэргийн байгууллагууд, Баянхонгор аймгийн ЗДТГ-ын Цэргийн штаб, Зэвсэгт хүчний 339 дүгээр анги, Зэвсэгт хүчний 325 дугаар ангийн ахлагчийн зөвлөлийнхөн замд нь тосон авч, хүндэтгэл үзүүлсэн байна. Мөн “lowa”, “Garmin Mongolia”, “Монос” групп, “Unitel” компани өөрийн нэрийн бүтээгдэхүүнээс хандивлаж, бартаа саадгүй зорьсон газраа хүрэхийг хүсэн ерөөжээ.

Түүнчлэн ХХЕГ-ын удирдлагууд хилийн заставтаа ажиллахаар явах замдаа ахлах ахлагчид хүндэтгэл үзүүлж “Цэрэг хүн ийм л байдаг. Бидний зорилго эх орныхоо төлөө гэсэн эрхэм үйлс юм” хэмээгээд торгон хилийн баганын гэрэл зургийг дурсгасан байна.

Сонирхуулахад, Ахлах ахлагч Э.Даваажамцад мэргэжлийн дэмжлэгийг ЗХЖШ, Хуурай замын цэргийн командлал, Зэвсэгт хүчний 123 дугаар ангийн холбогдох удирдлагууд үзүүлж байгаа аж.

Нийтэлсэн: Т.Болор-Эрдэнэ

Ахлах ахлагч Э.Даваажамц 900 км зам туулж, Өвөрхангай аймагт ирлээ  
Үзсэн: 3389 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй