Монгол Улсад залуучуудын байгууллага үүсч хөгжсөний 100 жил, Монголын үндэсний бөхийн холбооны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан бөхийн барилдааны нэгийн даваа яг одоо Хүй долоон худагт үргэлжилж байна. Тус барилдаанд Улсын аварга 4, улсын арслан 3, улсын гарьд 5, улсын заан 9, улсын харцага 18, улсын начин 64, нийт 103 улсын цолтон тэргүүтэй аймгийн алдар цолтой 512 бөх зодоглож байна.

Түүнчлэн Багануур болон Архангай, Сэлэнгэ аймгийн бөхийн холбооноос зохион байгуулсан Аймгийн цол олгох барилдаанд түрүүлж, үзүүрлэн, шөвгөрсөн бөхчүүдэд цол чимгийг олгох батламж, захирамж гаргаагүй тул өнөөдрийн барилдаанд хуучин цол эрэмбээрээ барилдаж байна.