- Өнөөдөр буюу 2021 оны арваннэгдүгээр сарын 18-ны өдөр болох зарим үйл явдлын хураангуйг хүргэж байна –

Үндэсний номын сан

09:00 цагт: “Соёлын бүтээлч сар” аяны хүрээнд “Үнэт ховор номын музей” үзэсгэлэнгийн нээлт болно. Үзэсгэлэнгийн үеэр “Монгол толь” аппликейшний нээлт, “Монголчуудын бичиг үсгийн дурсгал” цуврал контентын танилцуулга, “Оюуны охь” бичиг соёлын цахим үзэсгэлэн, “Монгол толь” аппликейшний шторк, цахим контент ашиглах заавар зэргийг танилцуулна. Утас: 89098515

Баянхошуу дэд төвийн Бизнес инкубатор төв

09:00 цагт: Барилгын салбарын мэдлэг, чадавхыг нэмэгдүүлэх зорилготой “Ногоон барилга, түүний үнэлгээний системүүд EDGE Ногоон барилгын программ хангамж, стандарт, үнэлгээний систем” форум болно. Утас: 88104671, 99086836

Сити их сургууль

09:00 цагт: “Соёлын бүтээлч сар”-ын хүрээнд "Үндэсний кино бүтээл нийлүүлэлтийг телевиз, радио, цахим орчинд нэмэгдүүлэх" судалгааны хэлэлцүүлэг болно.

Төрийн ордон

10:00 цагт: Улсын Их хурлын чуулганы нэгдсэн хуралдаан болно.

“Мишээл экспо”

10:00 цагт: “Соёлын бүтээлч сар”-ын хүрээнд Монголд анх удаа 2000 мкв талбайд, 10 галерей, 100 гаруй уран бүтээлчид 7 хоногийн турш нэгдэж дүрслэх урлагийн үзэсгэлэн, хэлэлцүүлэг, сургалтуудыг зохион байгуулах "Art week 2021 - Дүрслэх урлагийн долоо хоног" үргэлжилнэ. Утас: 99849000, 88880948

Улаанбаатар дахь Русский дом (РЦНК)

10:00 цагт: “Соёлын бүтээлч сар”-ын Сэтгэл ариусгах урлаг буюу урлаг, соёл, гэгээрлийн долоо хоногийн хүрээнд өнөөдөр болон маргааш "Хүүхэд ба ном" арга хэмжээ зохион байгуулагдана.

Шинжлэх ухааны академийн байр

11:00 цагт: Шинжлэх ухааны академи байгуулагдсаны 60 жилийн ойд зориулсан Хүндэтгэлийн их чуулган болно.  Утас: 98119897, 99717977