“Баянхошууны Хөтөл автобусны буудалд гурваас дөрвөн залуу нэг эмэгтэйг зодож, хүчээр автомашинд суулган авч явлаа” гэх гомдол мэдээллийг нэгэн фэйсбүүк хэрэглэгч 2021 оны 12 дугаар сарын 08-ны өдрийн 08:01 цагт “Фейсбүүк”-т нийтэлжээ.

Энэ дагуу цагдаагийн байгууллагаас холбогдох шалгалтын ажиллагааг явуулахад, өнөөдөр 07:30 цагийн орчимд Сонгинохайрхан дүүргийн 28 дугаар хороо, 112 дугаар автобусны буудал дээр “Тоёота Харриэр” маркийн тээврийн хэрэгсэлд иргэн Н, Э, А, Б гэх дөрвөн иргэн зорчиж явсан бөгөөд иргэн Н согтууруулах ундаа хэрэглэсэн үедээ гэр бүлийн харилцаатай иргэн Э-тэй маргалдаж, үл ойлголцсон нөхцөл байдал урьдчилсан байдлаар тогтоогджээ.

Цагдаагийн байгууллагаас тухайн үед хүчирхийлэлд өртсөн байж болзошгүй иргэн Э-н аюулын зэргийн үнэлгээг хийж, холбогдох засаг захиргаа нутаг дэвсгэрийн нэгжийн хамтарсан багт мэдэгдэх зэрэг шаардлагатай арга хэмжээг авч ажиллаж байна.