Шууд Chart

"Бүх цэргийн наадам -2022" энэ сарын 29-нд болно

2022-05-05 08:29:03

МҮБХ, БХЯ, "Алдар" спорт хорооноос хамтран жил бүр зохион байгуулдаг үндэсний бөхийн цол, чимэг олгох “Бүх цэргийн наадам-2022" уламжлалт барилдаан энэ сарын 29-нд болно.

Монгол бөхийн өргөөнд болох тус барилдаанд цэрэг, хүчний байгууллагад харьяалагддаг аймаг, цэргийн цолтой болон залуу 256 бөх зодоглодог уламжлалтай.

Сонирхуулахад, өнгөрсөн жилийн барилдаанд Завхан аймгийн Яруу сумын харьяат, “Хилчин” спорт хороо, “Даян” дэвжээний бөх М.Лхагвагэрэл аймгийн заан цолтойдоо найман даван түрүүлж, цэргийн арслан цол хүртсэн билээ.

Мөн Булган аймгийн Орхон сумын харьяат, “Хилчин” спорт хороо, “Булганхан” дэвжээний бөх, аймгийн арслан Э.Сумьяабат үзүүрлэж, идэвхт чимэг нэмсэн юм.

Харин их шөвөгт Төв аймгийн Баянчандмань сумын харьяат, “Сүлд” спорт хороо, “Дүнжингарав” дэвжээний бөх, аймгийн хурц арслан Э.Ууганбаярт цогт чимэг, Хэнтий аймгийн Батширээт сумын харьяат, “Хилчин” спорт хороо, “Хан Хэнтийн аварга” дэвжээний бөх, аймгийн арслан Г.Бадрах хичээнгүй чимэг нэмсэн билээ.

Нийтэлсэн: У.Баярсайхан

"Бүх цэргийн наадам -2022" энэ сарын 29-нд болно   
Үзсэн: 283 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй