Шууд Chart

Монголын дөрвөн бөх хүрэл медалийн төлөө барилдана

2022-06-21 16:17:20

“U17”, “U23” насны Азийн аварга шалгаруулах тэмцээн Кыргызстаны Бишкек хотод гурав дахь өдрөө үргэлжилж байна.

"U17" ангиллын чөлөөт бөхийн хөвгүүдийн 65, 71, 80, охидын 43, 49, 57, 65, 73 кг-ын жингийн урьдчилсан болон хагас шигшээ барилдаан болов.

Манай улсаас найман бөх барилдсанаас дөрөв нь өнөө орой 20:00 цагаас хүрэл медалийн төлөө барилдана.

Хөвгүүдийн 65 кг-д “Тэх-Мөнх” клубийн тамирчин Мөнхбатын Толуй, 71 кг-д Баянгол дүүрэг, 73 дугаар сургуулийн тамирчин Баатархүүгийн Ган-Эрдэнэ, охидын 57 кг-д Спортын төв сургуулийн тамирчин Дэжинбээгийн Энхдангина, 73 кг-д “Хангарьд” спорт клубийн тамирчин Номин-Эрдэнийн Баяржаргал нар хүрэл медалийн төлөө барилдахаар болов.

Тэгвэл хөвгүүдийн 80 кг-д М.Мөнхчулуун, охидын 43 кг-д Б.Мөнгөнсолонго, 49 кг-д Г.Соёлмаа, 65 кг-д Э.Одгэрэл нар тэмцээнээ өндөрлүүлжээ. 


Монголын дөрвөн бөх хүрэл медалийн төлөө барилдана  
Үзсэн: 159 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй