Үндэсний телевиз
Цагийн хүрд
Найм арваннэг
Эрхэм хүндэт Монгол түмэн Та бүхэндээ Их эзэн Чингис хааны мэндэлсний 860 жилийн ойн мэндийг хүргэж, “Монгол бахархлын өдөр”-ийн эрхэм сайхан ерөөлийг өргөн дэвшүүлье.
Шинжлэх ухааны академиас Их эзэн Чингис хааныг билгийн тооллын гуравдугаар жарны усан морин жил буюу 1162 оны өвлийн тэргүүн сарын шинийн 1-ний өдөр мэндэлснийг шинжлэн тогтоосноор Та бид 2012 оноос эхлэн энэ өдрийг “Монгол бахархлын өдөр” хэмээн тэмдэглэн ирсэн түүхтэй.
Өнгөрсөн, одоо, ирээдүйн гурван цагийн хэлхээнд өв уламжлал, их түүх, үнэт зүйлээ эрхэмлэн дээдэлж ирсэн монгол түмэн Та бидний хувьд энэ өдөр бахархан тэмдэглэж, бахдан дээдлэх учиртай их хүндэтгэлийн өдөр бөгөөд Их эзэн Чингис хааны байгуулсан Их Монгол Улсын үлдээсэн өв, бүтээсэн түүх хязгааргүй юм.
Иймд Монгол эх орныхоо туждаа нандигнан хамгаалах тусгаар тогтнол, уламжлуулан үлдээх үнэт зүйлийн иш үндэс, эх өв болсон эрхэм ТАНД “МОНГОЛ БАХАРХЛЫН ӨДӨР”-ийн мэндийг хүргэж, сайн сайхныг ерөөе.
Монгол эх орон минь үүрд мандан бадраг!
Нийслэлийн Засаг дарга бөгөөд Улаанбаатар хотын Захирагч
Долгорсүрэнгийн СУМЪЯАБАЗАР
| “Монгол бахархлын өдөр”-ийн мэнд хүргэе | ||
| Үзсэн: 803 | Mongolian National Broadcaster |
Р.Слава
Шог зураач Л.Мөнхбат
О.Шинэтуяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.