Монгол Улсын Ерөнхийлөгчийн  2022 оны 43 дугаар зарлигт "Согтууруулах ундааны зохисгүй хэрэглээнээс үүдэлтэй хүн амын эрүүл мэнд, нийгмийн хорт зуршлаас ангид шинэ үеийг төлөвшүүлэх, согтууруулах ундааны зүйл хор уршиг, сөрөг нөлөөг сурталчлан таниулах" зорилгоор "Хүний хөгжлийн зорилтот хөтөлбөр"-ийн хүрээнд "Эрүүл Монгол Хүн" хөтөлбөрийг боловсруулж, хэрэгжилтийг хангах үүднээс Цагдаагийн ерөнхий газраас "Намайг алгас" аяныг орон даяар хэрэгжүүлж байна. 

Иймд Цагдаагийн байгууллагаас Монгол Улсын Ерөнхийлөгчийн Тамгын газартай хамтран 2022 оны арваннэгдүгээр сарын 11-ний өдрөөс арванхоёрдугаар сарын 15-ны өдрийг хүртэл хугацаанд зохион байгуулж буй "Намайг алгас" нөлөөллийн аянд нэгдэхийг уриалж байна.