Үндэсний телевиз
Цагийн хүрд
Найм арваннэг
Ховд аймгийн прокурорын газраас төр, нийтийн ашиг сонирхлыг хамгаалах чиглэлээр тус аймгийн 17 сумын “Сум хөгжүүлэх сан”-тай хамтран ажиллаж байна.
Тодруулбал, зээлийн хугацаа хэтрүүлсэн, эргэн төлөлт хийгээгүй иргэн, аж ахуйн нэгжтэй холбоотой асуудлаар шүүхэд нэхэмжлэл гаргах, иргэний хэрэг хянан шийдвэрлэх ажиллагаанд прокурор хэрхэн оролцдог талаар сан хариуцсан мэргэжилтнүүдэд сургалт хийх, харилцан мэдээлэл солилцох зэрэг ажлыг зохион байгуулжээ.
Энэ хүрээнд тус аймгийн прокурорын газраас Цэцэг, Үенч, Жаргалант, Зэрэг, Ховд сумдын сум хөгжүүлэх сангаас авсан зээлээ төлөөгүй, гэрээний үүргээ биелүүлээгүй 70 иргэний 790 сая төгрөгийн зээлийг нөхөн төлүүлэхээр Ховд аймаг дахь сум дундын Иргэний хэргийн анхан шатны шүүхэд нэхэмжлэл бичиж, 529 сая төгрөгийн хохирлыг нөхөн төлүүлэхээр шийдвэрлүүлсэн байна.
Аймгийн прокурорын газраас бусад сумдын сум хөгжүүлэх санд учирсан хохирлыг барагдуулах ажлыг эрчимжүүлэх зорилгоор 3 сарын хугацаатай нэгдсэн аяныг эхлүүлжээ.
| Сум хөгжүүлэх санд 529 сая төгрөгийг эргэн төлүүлэхээр шийдвэрлүүлжээ | ||
| Үзсэн: 311 | Mongolian National Broadcaster |
Шог зураач Л.Мөнхбат
Б.Цоожчулуунцэцэг
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.