Уулын баяжуулах “Эрдэнэт” үйлдвэр болон гадаадын хөрөнгө оруулагчийн хамтарч байгуулсан “Шим-Технолоджи” ХХК-ийн Молибдены баяжмал боловсруулах үйлдвэр нь 2009 онд дэлхийн санхүүгийн хямралтай холбоотойгоор үйл ажиллагаагаа зогсоосон байсныг ОХУ-ын “УРАЛГИПРОМЕЗ” нээлттэй хувьцаат компани хөрөнгө оруулж өнөөдөр дахин үүд хаалгаа нээж байгаа юм.

 

Мөн “Шим-Технолоджи” ХХК-ийн Молибдены баяжмал боловсруулах үйлдвэрийн нээлтэд ОХУ-аас Монгол Улсад суугаа Онц бөгөөд Бүрэн эрхт Элчин сайд ноён Искандер Кубарович Азизов оролцсон бөгөөд тэрээр хэлсэн үгэндээ, ОХУ-ын Ерөнхийлөгч Владимир Владимировч Путины Монгол Улсад хийсэн айлчлал амжилттай болж, энэхүү айлчлалын дараахан тус үйлдвэр дахин үүд хаалгаа нээж байгаа нь хоёр улсын хамтын ажиллагааны бас нэгэн тод илрэл юм гээд энэхүү арга хэмжээнд Улсын Их Хурлын дарга хүрэлцэн ирж оролцож байгаад талархалтай байгаагаа илэрхийлэв.

 

Тус үйлдвэр нь жилд 3600 тонн молибдены баяжмал боловсруулж 2500 тонн молибдены техникийн исэл, 800 кг рени агуулсан бүтээгдэхүүн үйлдвэрлэх хүчин чадалтай, 250-аад ажилтан, ажиллагсадтай ажиллаж байна.

УИХ-ын дарга мөн Булган аймагт ажиллах ажээ.