Энэхүү нууц тагнуулын байгууламж нь Куб улсын Гуантанамо дахь америкийн цэргийн баазыг түшиглэн байгуулагдсан аж. Найман барилга байгууламжаас бүрдэх “Penny Lane” хотхон нь дундаж америк айл шиг иж бүрэн тохижуулсан угаалгын өрөө, зурагт, гал тогоо, фитнесс өрөөтэй аж.

 

Харин бэлтгэгдэж буй тагнуулчид нь зөвхөн хоригдлуудаас бүрдсэн нууц ажилтнууд гэнэ. Эдгээр нууц ажилтнуудыг зөвшөөрүүлэхийн тулд ар гэрийн аюулгүй байдалд нь баталгаа өгөхийн зэрэгцээ, их хэмжээний мөнгө хүртэл санал болгодог аж. Тиймээс тус нууц бэлтгэл үйл ажиллагаанд АНУ-ын ТТГ маш их төсөв зарцуулсан байдаг аж.

 

Тус газарт бэлтгэгдэж буй хоригдлууд Терроризмын эсрэг үйл ажиллагаа явуулах үүрэг бүхий чиглэлтэй тагнуулчид бөгөөд хүссэн хоригдол болгон ажиллагаанд тэнцдэггүй, зөвхөн цөөхөн тооны хоригдол бэлтгэгдэн тэнцэн гардаг байжээ. Тэр ч бүү хэл  тэнцэж гарсан хоригдол тагнуулчдын нэг Америкийн иргэнийг хороож, өөрийгөө болоод тус нууц баазын талаар хүртэл илчилж байжээ. Энэ байдлыг нь мэдсэн “Аль-Каида” мэтийн томоохон террорист бүлэглэлүүд өөрсдийнхөө аюулгүй байдлын талаар яаралтай урьдчилан арга хэмжээ авч чаджээ. Тэд дотооддоо нэвтэрсэн нууц тагнуулчийг олж илрүүлэх сөрөх тагнуулын дэглэм бүтцийг байгуулан ажилд нь оруулсан нь Америкийн дээрх нууц байгууламжийн төслийг зогсооход хүргэсэн юм.