Шууд Chart

Монгол Улсын начин Б.Сэр-Одын бор морь төвийн бүст түрүүллээ

2021-08-06 10:06:49

Сэлэнгэ аймагт “Буган халиун ажнай” морин уяачдын холбооноос “Сэлэнгэ хурд-2021” төвийн бүсийн хурдан морьны уралдаан өнөөдрөөс эхэлж байгаа билээ.

Дөнгөж сая сонгомол дээд насны уралдаан болж, Баянхонгор аймгийн Баянбулаг сумын харьяат, Монгол Улсын начин Б.Сэр-Одын бор морь түрүүллээ.

Харин аман хүзүүнд Говь-Алтай аймгийн Шарга сумын харьяат, Монгол Улсын тод манлай уяач Х.Бат-Эрдэнийн хээр азарга, айргийн гуравт Төв аймгийн Заамар сумын харьяат, уяач Ж.Түмэн-Өлзийгийн өсгий цагаан зээрд азарга, айргийн дөрөвт Орхон аймгийн уяач /Засаг дарга/ С.Батжаргалын хээр азарга, айргийн тавд Булган аймгийн Хангал сумын харьяат Б.Эрдэнээгийн хээр азарга хурдаллаа.

Тус насанд 68 хүлэг хөх тэнгэртээ тоосоо өргөсөн юм.

Нийтэлсэн: У.Баярсайхан

Монгол Улсын начин Б.Сэр-Одын бор морь төвийн бүст түрүүллээ   
Үзсэн: 2173 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй