Шууд Chart

Б.Чинзориг ялж, Х.Энх-Амар ялагдлаа

2021-10-26 09:47:54

Серби Улсын нийслэл Белград хотод сонирхогчдын боксын эрэгтэйчүүдийн дэлхийн аваргын тэмцээн өчигдөр эхэллээ.

Эхний өдөр 57, 67 кг-ын тамирчид өрсөлдсөн бөгөөд манай улсаас хамгийн түрүүнд 57 кг-ын жингийн Х.Энх-Амар Казахстаны Серик Темиржановтай тулалдсан юм.

Гэвч шүүгчид санал нэгтэйгээр казах залууд ялалт өгснөөр манай тамирчин 0:5 харьцаагаар ялагдав.

Харин 67 кг-ын жинд Б.Чинзориг Гватемалын Карлос Тобартай тулалдаж, 4:1 харьцаагаар ялсан юм.

Тэрбээр дараагийн тойрогт Лондоны олимпын хүрэл медальт, 2011 оны ДАШТ-ий хүрэл медальт, Италийн Винченцо Манджакапретэй тулалдана.

Нийтэлсэн: У.Баярсайхан

Б.Чинзориг ялж, Х.Энх-Амар ялагдлаа   
Үзсэн: 848 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй