Шууд Chart

Азийн хүүхдийн наадмын бүртгэл явагдаж байна

2021-10-26 10:09:30

ОХУ-ын томоохон боомт хот Владивосток хотноо 2022 оны долоодугаар сарын 27-ноос наймдугаар сарын 8-ны өдрүүдэд Азийн хүүхдийн VII наадам болно. ОУОХ, ЮНЕСКО-гийн ивээл дор зохиогддог тус наадмын бүртгэл үргэлжилж байна.

Наадам бадминтон, бокс, кураш, хапсагай бөх, жүдо, хөнгөн атлетик, мас бөх, ширээний теннис, усанд сэлэлт, буудлага, чөлөөт, сонгомол бөх, самбо, байт харваа, таеквондо, бүжгийн спорт, уран сайхны гимнастик, 3х3 сагсан бөмбөг, футзал, элсний волейбол зэрэг спортын төрлөөр явагдах бөгөөд оролцох боломжтой спорт холбоод арванхоёрдугаар сарын 1-ний дотор МҮОХ-нд хүсэлтээ ирүүлэх юм байна.

Владивосток нь ОХУ-ны газар нутгийн зүүн өмнөд хэсэгт байрлалтай, Япон тэнгисийн эрэг дээрх 600 гаруй мянган хүн амтай, чийглэг дулаан уур амьсгалтай хот юм. Азийн хүүхдийн наадам хуваарь ёсоор 2020 онд зохиогдох байсан ч коронавирусний цар тахлын улмаас хойшилж, ирэх жил зохиогдохоор болжээ.

Нийтэлсэн: У.Баярсайхан

Азийн хүүхдийн наадмын бүртгэл явагдаж байна  
Үзсэн: 320 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй