Үндэсний телевиз
Цагийн хүрд
Найм арваннэг
Монгол Улсын гавьяат тамирчин, "King Tug" хочит Н.Төгсцогт Намиб Улсын тамирчин Сакариа Лукастай маргааш тулалдах бөгөөд өнгөрсөн шөнө жингээ үзүүлсэн байна.
Тэд 57,2 кг-ын жинд өрсөлдөх бөгөөд Атлантик хотын Боргата зочид буудал, казиногийн цогцолбор газарт тулалдана.
Уг нь Н.Төгсцогт Америк боксчин Вик Пасилластай өрсөлдөх байсан ч уг тамирчин “Covid-19”-ийн халдвар авсан тул ийнхүү солигдсон байна.
Сакариа Лукас нь 37 настай бөгөөд мэргэжлийн боксын рингэнээ 24 тулаан хийж, 23 ялж, ганцхан ялагджээ. 2006 оноос хойш боксоор хичээллэж буй тэрбээр хамгийн сүүлд 2021 оны гуравдугаар сард Мексикийн Марко Алехандро Чаблийг ялжээ.
Харин манай улсын тамирчин мэргэжлийн бокст хөл тавьснаасаа хойш 14 тулаан хийж, 12 ялаад байна. Өдгөө 29 настай тэрбээр сүүлд 2021 оны долоодугаар сард Крис Колберттой тулалдаж, ялагдсан юм.
| Гавьяат тамирчин Н.Төгсцогт Сакариа Лукас нар маргааш тулалдана | ||
| Үзсэн: 544 | Mongolian National Broadcaster |
Р.Слава
Шог зураач Л.Мөнхбат
О.Шинэтуяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.