Монголын утга зохиолын оны шилдэг бүтээл шалгаруулах “Алтан өд” шагналын эзэн, “Гол тоглогч I, II, III”, “Суут нууц” болон яруу найргийн “Дотоод тэнгэр” номын зохиогч, сэтгүүлч, яруу найрагч Д.Дамдинжав АНУ-ын Айовагийн их сургуулийн Олон улсын утга зохиолын хөтөлбөрт оролцох урилга хүлээн авчээ.

Энэхүү хөтөлбөрт 30 гаруй улсын зохиолч, яруу найрагч оролцдог бөгөөд Монгол Улсаас өмнө нь Соёлын гавьяат зүтгэлтэн, зохиолч, яруу найрагч Г.Аюурзана болон Л.Дашням, Л.Өлзийтөгс, "Тагтаа” паблишингийн үүсгэн байгуулагч, орчуулагч, яруу найрагч Б.Баясгалан нар тус хөтөлбөрийг дүүргэж байжээ.