Шууд Chart

Монгол-Японы Санхүүгийн анхдугаар зөвлөлдөх уулзалт боллоо

2023-06-09 12:28:11

 

Япон-Монголын Санхүүгийн анхдугаар зөвлөлдөх уулзалтыг 2023 оны зургаадугаар сарын 8-ны өдөр Улаанбаатар хотноо зохион байгуулав.

Зөвлөлдөх уулзалтад Японы талаас тус улсын Сангийн яамны Олон улсын асуудал эрхэлсэн Дэд сайд Канда тэргүүтэй төлөөлөгчид Монголын талаас Сангийн сайд Б.Жавхлан болон Сангийн яамны удирдлагууд оролцов.

Хоёр тал дэлхийн эдийн засаг, Монгол Улсын эдийн засгийн хөгжил, бодлогын хэрэгжилт, хоёр орны техникийн хамтын ажиллагааны талаар санал солилцов. Японы талаас Монгол Улсын орлогыг нэмэгдүүлэхэд чиглэсэн чадавхыг бэхжүүлэх сургалт, ажилтан сургах үйл ажиллагааг өргөжүүлэх, Монгол Улсын хөгжлийг дэмжихийн тулд Япон Улс олон улсын байгууллагуудаар дамжуулан, тэр дундаа дэд бүтцийн салбарт техникийн туслалцааг нэмэгдүүлэх саналтай байгаагаа илэрхийлэв.

Түүнчлэн Монгол Улсын цаашдын тогтвортой хөгжил, дэвшлийг хангахын тулд Монгол Улсын өрийн болон гадаад тогтвортой байдлыг бэхжүүлэхэд шаардлагатай шинэчлэлийн талаар хоёр тал санал солилцож, хоёр талын харилцааг цаашид бэхжүүлэхийн тулд “Монгол-Японы Санхүүгийн зөвлөлдөх уулзалт”-ыг уламжлал болгон үргэлжлүүлэх талаар хоёр тал санал нэгдэв.

Эх сурвалж: Сангийн яам

 


Монгол-Японы Санхүүгийн анхдугаар зөвлөлдөх уулзалт боллоо   
Үзсэн: 316 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй