АДРА олон усын байгууллага нь “Бичил санхүүгийн үйлчилгээгээр ядуурлыг бууруулах” төсөл 2010 оноос Улаанбаатар хотын гэр хорооллын жижиг бизнес эрхлэгч иргэдийг бизнесийн сургалтанд хамруулах, шаардлагатай зөвлөгөө мэдээллийг өгөхөөс гадна барьцаа хөрөнгийн хөнгөлөлттэй нөхцөлөөр зээлийн үйл ажиллагаанд зуучлах үйл ажиллагааг явуулдаг.

Тус байгууллага нь өнөөдөр дүүргийн Засаг даргын Тамгын газартай хамтран гэр хорооллын хэсгийн ахлагч нарт зориулан сургалт явууллаа. Энэхүү сургалт нь бизнес эрхлэн амжилт олохын үндэс нь өрхийн төсвөө хэрхэн зөв удирдахаас эхэлдэг болох тухай, өрхийн санхүү бол хязгаарлагдмал нөөцөөр гэр бүлийн гишүүдийн хэрэгцээг оновчтой хангах үйл ажиллагаа бөгөөд гэр бүлд хамгийн чухал дадал олох энгийн аргад хэрхэн суралцах тухай зэрэг сонирхолтой сэдвүүдийг багтаасан байна.

Мөн бичил санхүүгийн суурь ойлголтын тухай хялбар бизнес төлөвлөгөө хийх аргачлалыг заалаа. Хэсгийн ахлагч нар нь иргэдтэй хамгийн ойр ажилладаг, мэдээлэл хүргэдэг учраас өөрсдөдөө болон бусдад зөв дадал эзэмшүүлэх , танд өрхийн төсвөө зөв тооцоолж, оновчтой удирдахад туслах хөтөч болохын тулд сургалтанд идэвхитэй оролцож нэлээдгүй мэдээлэлтэй болсон юм.