Үндэсний телевиз
Цагийн хүрд
Найм арваннэг
МҮОНР-ийн Урлаг соёл, уран сайхны редакциас бэлтгэн явуулдаг та бүхний сонсох дуртай “Дуу заах цаг” нэвтрүүлгийн ээлжит дугаарыг уншигч, сонсогч та бүхэнд хүргэе. Энэ удаад та бүхэндээ УГЖ С.Жавхлан, дуучин Г.Эрдэнэчимэг нарын хамтран дуулсан Ц.Улаантугийн хөгжим, Н.Насангийн шүлэг “Хар хархан харц” дууг заах гэж байна.
ХАР ХАРХАН ХАРЦ
Хар хархан харцанд чинь
Халуун зүрх минь хайлчих гээд байна.
Хайртай дуртай үгсээн би
Хашиж дийлэхгүй хэлчих гээд байна.
Дх: Ирмээд харсан харцаараа
Итгэсэн сэтгэлээ өгье хоёулаа
Инээд баярын хорвоодоо
Ивээж сүжирч явъя даа хоёулаа
Бор борхон харцанд чинь
Болохгүй л хайр минь буцалчих гээд байна.
Бодсон санасан үнэнээ би
Бусдаас нуулгүй ярьчих гээд байна
ДХ: Уяраад харсан харцаараа
Учирсан заяагаа холбоё хоёулаа
Уйлж дуулах орчлондоо
Ухаарч хайрлаж амьдрая даа хоёулаа
Эрх эмзэг харцаараа
Эгцхэн тулаад харъя даа бие биенээ
Эргээд дахиад олдохгүй гээд
Энэ хорвоод түшье дээ хэн хэнийгээ
Дх: Хайрлаад харсан харцаараа
Ханилахын тавилангаа түшье хоёулаа
Хатуу зөөлөнтэй хорвоодоо
Хайраараа аргадаж туулъя хоёулаа
Уяраад харсан харцаараа
Учирсан заяагаа холбоё хоёулаа
Уйлж дуулах орчлондоо
Ухаарч хайрлаж амьдрая даа хоёулаа
Инээд баярын хорвоодоо
Ивээж сүжирч явъя даа хоёулаа
| Дуу заах цаг - Хар хархан харц | ||
| Үзсэн: 22572 | Mongolian National Broadcaster |
Шог зураач Л.Мөнхбат
А.Ариунзаяа
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.