Манай улсаас хэд дахин бага газар нутагтай Бүгд Найрамдах Болгар улс манай улсаас 15 дахин илүү ургац хураан авдаг. Их ургац хураан авдгийн нууц нь усыг хуримтлуулж чаддагт байна гэж Антарктид судлаач Л.Дүгэржав ярьж байна. 

Манай улс борооны болоод үерийн усыг хуримтлуулах боломжтой гэж ярьдаг ч өнөөдрийн байдлаар дорвитой хийсэн ажил үгүй байна. Гэхдээ, Говь-Алтай, Өвөрхангай, Дорноговь аймагт бэлчээр усжуулалтын зориулалтаар 1500-1600 шоо метр ус хуримтлуулах “хөв” байгуулан туршсан. Туршилтаас үзэхэд ойт хээрийн бүсэд хавар цас хайлах үед цасны 60-70 хувь, хур борооны үерийн 20-30 хувийг суваг шуудуу, цөөрөм, усан сан, хөвд хуримтлуулан авах боломжтой гэж  гарсан байдаг.