Үндэсний сагсан бөмбөгийн холбооноос зохион байгуулж буй насанд хүрэгчдийн В зэрэглэлийн УАШТ “Мон-Алтиус” биеийн тамирын дээд сургуулийн спорт зааланд үргэлжилж байгаа билээ.

Энэ тэмцээнд Монгол Улсын гавьяат тамирчин Ц.Шаравжамцын хоёр хүү “Бурхантын Буганууд” багт хамт тоглож байна.

Бага хүү Ш.Энхийн-Од нь Монголын сагсан бөмбөгийн шинэ “од” юм. Энэ жил 18 нас хүрч буй бөгөөд Улаанбаатар хотын төв талбайд 2019 оны зургаадугаар сард зохион байгуулсан 18 хүртэлх насны сагсан бөмбөгийн 3х3 төрлийн ДАШТ-д тун амжилттай оролцож, “Мэргэн бууч” буюу хамгийн өндөр оноо авсан тамирчдын жагсаалтыг тэргүүлсэн билээ.

Харин том хүү Ш.Мөнхийн-Од нь одоо 21 настай. “Этүгэн” их сургуульд татварын эдийн засаг, нягтлан бодох бүртгэл мэргэжлээр суралцаж буй. Их сургуулийнхаа сагсан бөмбөгийн шигшээ багийн тоглогч бөгөөд Оюутны улсын аварга шалгаруулах тэмцээнд багаараа амжилттай оролцож, алтан медаль хүртсэн амжилтай явна.