Шууд Chart

Үерийн аюулаас сэрэмжлүүлж байна

2022-08-12 14:44:54

Наймдугаар сарын 12-ны өдрийн байдлаар Зэлтэр, Улз, Онги, Хэрлэн зэрэг голуудын  усны түвшин өмнөх өдрийнхөөс 5-15 см нэмэгдэж Халх, Хархираа зэрэг голууд үерийн түвшинг 5-30 см харин Улз голын адгаар үерийн аюултай түвшинг 22 см даван үерлэж байна.

Наймдугаар сарын 13-нд Ус судлалын Онги-Арвайхээр харуул орчимд усны түвшин 5-10 см нэмэгдэж олон жилийн дундаж түвшинг даван үерлэх хандлагатай байна. Мөн маргааш   баруун болон говийн аймгуудын зарим газар, төвийн аймгуудын ихэнх нутгаар бороо орно.

Иймд дээр дурьдсан голууд болон гол мөрний сав дагуу суурьшиж, нутаглаж буй малчид, тариаланчид, аж ахуйн нэгж байгууллага, аялал, амралт, зугаалгаар явж буй хүмүүсийг үер усны аюулаас сэрэмжтэй байхыг онцгойлон анхааруулж байна.

Ус, цаг уур, орчны судалгаа мэдээлэлийн хүрээлэн
Гадаргын усны судалгааны хэлтэс

2022-08-12


Үерийн аюулаас сэрэмжлүүлж байна  
Үзсэн: 357 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй