Өмнөд Солонгос улсын Аж үйлдвэрийн яамнаас 2030 он гэхэд робот үйлдвэрлэлийн салбарт 3 их наяд воны хөрөнгө оруулах төсөл боловсруулж байгаа гэж мэдээллээ.

Мөн 2030 он гэхэд дотоодын зах зээлдээ нэг сая робот нийлүүлнэ гэж төлөвлөж буй юм байна.

Цаашлаад мөн хугацаанд дотоодын зах зээлд ашиглах роботын 80 хувийг дотооддоо үйлдвэрлэнэ гэж зорьж эхэлсэн байна.

Одоогоор БНСУ-ын хөдөлмөрийн зах зээлд идэвхтэй ашиглаж байгаа роботын 44 хувийг дотооддоо үйлдвэрлэж байгаа юм.

Энэ салбарыг улам эрчимтэй хөгжүүлэхийн тулд БНСУ зөвхөн энэ салбарт чиглэсэн 50 шинэ хуулийн зохицуулга боловсруулж, 15 мянга орчим мэргэжлийн шинжээчдийг дэмжиж ажиллана гэж Аж үйлдвэрийн яамнаас нь мэдээлжээ.

Энэ салбарыг ингэж хөгжүүлснээр 2030 он гэхэд хөдөө аж ахуй, тээвэр ложистик, батлан хамгаалах, эрүүл мэндийн салбарт нэг сая робот нийлүүлнэ гэж төлөвлөжээ.