-Би загвар өмсөөд хоёр жил боллоо. Энэ хугацаанд монголдоо төдийгүй олон улсын хэмжээнд чамлахааргүй амжилтыг гаргасан. Өнгөрсөн жилийн “Miss Mongolia-2012” тэмцээнд оролцож эхний шатанд шалгарсан ч, тодорхой хүндэтгэх шалтгааны улмаас өөрийн хүсэлтээр тэмцээнийг орхисон. Тэр үед өөртөө дараа жилийн тэмцээнд оролцоно гэсэн зорилго тавьж жилийн турш бэлдсэн. Өнөөдөр тэмцээний шилдэг 20 охидын нэгээр нь шалгарч өрсөлдөөд явж байгаа минь сайхан санагдаж байна.

 

-Мисс хүн бүх талын авьяастай байх ёстой. Цор ганц гаднаас харагдах гоо үзэсгэлэн бус дотоод гоо үзэсгэлэн, авьяас, мэдлэг боловсрол, биеэ авч явах байдал, хэл ярианы соёл, тухайн нөхцөл байдлаас өөрийгөө зөв авч гарах чадвар гээд л бүхий талаар бэлдсэн дээ.

 

 

-Төгсгөлийн шатны оролцогчид бүгдээрээ гоо үзэсгэлэнтэй, өөрийн гэсэн өнгө төрхтэй найрсаг охидууд гэдгийг би нүүр бардам хэлж чадна. Тэгээд ч миссийн тэмцээнийг эв нэгдэл, найрамдлын бэлэгдэло гэж би ойлгодог. Мисс хүн өөрөө энхтайван, сайн үйлс, сайхан сэтгэлийн элч төлөөлөл байдаг учраас сайхан хүн байх учиртай. Энэ ч утгаараа бүх зүйлээрээ өв тэгш охидууд энэ жилийн тэмцээний шалгаруулалтад үлдсэн. Бид энэ цөөн хоногт сайн найзууд болж, бие биенийгээ хэн нь хэн бэ гэдгээ ойлголцсон. Бид хоорондоо зөв өрсөлдөж чадаж байна. Миний хувьд бүгдтэй нь найрсаг харилцаатай найзууд болж байгаадаа баяртай байгаа шүү...

 

-Энэ жилийн “Miss Mongolia-2013” тэмцээн их онцлогтой болж байна. Учир нь Монголын “Miss Mongolia” холбоо мисс элчүүдийг өөрсдийнхөө эгнээнээс төрүүлээд 10 жил болж байна. Арван жилийн ой гэдэг өөрөө хамгийн том ололт, амжилт юм. Тиймээс 10 жилийн ойн шалгаруулалт хүндхэн чанга явагдаж байна. Тухайн хувь хүнээс гарч болох бүхий л хүч бололцоог нь шавхсан шалгаруулалт үргэлжилж байна. Миний хувьд хамгийн их сэтгэл зовоож байсан номинаци “Спорт мисс” шалгаруулалт байлаа (инээв). Тухайн өдөр цаг агаарын хүнд нөхцөлд явагдсан. Эхний 100 метрт ус сөрж гүйсэн, дараа нь дугуйгаар 1 км уралдаж, төгсгөлд нь 1 км орчим зайд гүйж барианд орсон. Бороотой хүйтэн байсан ч охид маань тэвчээр зааж бүгд амжилттай оролцсон. Тэр үед би охидоороо их бахархсан шүү. Триатлоны төрөлд охидыг 3 баг болгон хуваасан. Эхний багийн охид их цуцсан байдалтай байхыг хараад айсан. Гэсэн ч би өөрийнхөө багаасаа нэгд орж чадсан. Ямартаа ч хамгийн хүнд гэж бодогдож байсан шалгаруулалтынхаа нэгийг нь ардаа хийж чадлаа. Тиймээс бусад үлдэж байгаа бүх шалгаруулалтаа хүнд хэцүү гэж бодолгүй, хариуцлагатайгаар, өөртөө бүрэн дүүрэн итгэлтэйгээр “Miss Mongolia-2013”тэмцээнээ дуусгана даа гэж бодож байна.

 

-Тиймээ, мэдээж миний хамгийн гол зорилго “Miss Mongolia-2013” оны ялагч болох.  Улмаар “Miss International” тэмцээнд оролцож, олон улсын сайн үйлсийн аянд нэгдэн гар бие оролцох нь миний зорилго. Учир нь би энэ тэмцээнд өөртөө маш их итгэлтэй орж ирсэн.